|
|
Anton Hupfernagl
|
|
|
Vorverlegungsvorteil
|
Dominostoana, Stolln und Co,
drauf freu i mi bestimmt,
wenn des zum Herbstanfang bei uns
scho in d Regale kimmt.
Vielleicht sollt ma de Weihnachtszeit
nach vorn verschiabn jeds Jahr,
so miassat mas wieder hikriagn,
dass s im Dezember waar.
|
|
|
|
F.X. Nussing
|
|
|
Positive Grundeinstellung
|
Mia machan zwar nix,
aber wenn ma wos macha taatn,
werads guat.
|
|
|
|
Wolfgang Ammer
|
|
|
Flucht aus dem Paradies
|
Im Möbelparadies
an Buam
vom Kinderparadies gholt.
Nachm Rutschenparadies
schnell no
im Schnitzelparadies gessn.
Danach im Gartenparadies
an am Sackl Paradeisererdn
as Kreuz varissn
und deswegn
im Wellnessparadies
massiert wordn.
Nimmer geh kenna
und d’ Eva o’gruafn,
dass mi endlich rausholt.
|
|
