ADVENT
Wenn da Pulverschnee mit seiner Pracht,
as Hoamatland zum Kunstwerk macht.
Da Mensch vom Gmüat her staader wird,
am Abnd an Kachelofa eischürt.
De Kinder Wünsch ans Christkind stelln,
erwartungsvoll de Tog scho zähln.
Wenn d Fensterstern wia Lichtorgln blitzn,
de Geldbeitl recht locker sitzn.
Da Mensch mehr isst als a vatragt,
si mitm Gschenkaussuacha owiplagt,
wia varuckt durch alle Gschäfta rennt,
si am Glühwein d’ Lippn vabrennt,
dann is' Advent.
Besinnliche Adventstage wünscht Ihnen Wolfgang Ammer
|
|
